Å kjøpe si første bustad er for mange eit stort steg. Kanskje veit du kvar du vil bu, kanskje ikkje. Kanskje er bustadkjøp noko som ligg eitt, tre – eller fem år fram i tid.
Uansett kor du er i prosessen: eitt av dei enklaste vala du kan ta tidleg, er å bli medlem i ÅBBL.
Medlemskap handlar nemleg ikkje om å vere klar for kjøp her og no. Det handlar om å vere i posisjon når tida er inne.
Medlemskap – ein låg terskel, ein langsiktig verdi
Å bli medlem i ÅBBL kostar:
-
kr 300 i andelskapital
-
Gratis medlemskontigent første året, så kr 300 i årleg kontigent videre.
Totalt kr 300 per år.
Du treng ikkje eige bustad for å vere medlem. Mange vel å melde seg inn tidleg, nettopp for å bygge opp rettar og moglegheiter over tid – utan hastverk.
Forkjøpsrett – kort forklart
Ein av dei viktigaste fordelane ved å vere medlem i eit boligbyggelag, er forkjøpsrett.
Forkjøpsrett betyr at medlemmer kan ha førerett til bustader i borettslag som er knytt til boligbyggelaget. I praksis kan det gi deg moglegheit til å overta ein bustad til avtalt pris, etter at den er lagt ut for sal.
Dersom fleire melder forkjøpsrett på same bustad, er det medlemsnummeret som avgjer rekkefølga. Den som har vore medlem lengst, har størst rett.
Difor er tidspunktet du melder deg inn på viktig – ikkje fordi du må bruke forkjøpsrett med ein gong, men fordi medlemskapet byggjer verdi over tid.
Kvifor mange blir medlem før dei treng det
For unge førstegangskjøparar er bustadmarknaden ofte prega av:
-
usikkerheit
-
harde budrundar
-
lite forutsigbarheit
Medlemskap i ÅBBL gir ikkje garanti for bustad, men det gir deg:
-
eit ekstra handlingsrom
-
betre oversikt
-
fleire moglegheiter når du ein dag skal kjøpe
Mange opplever at det er nettopp forkjøpsretten – kombinert med ansiennitet – som gjer bustadkjøpet meir oversiktleg og mindre stressande.
Medlemsfordelar i kvardagen
Medlemskap handlar ikkje berre om bustadkjøp. Som medlem i ÅBBL får du også tilgang til ulike medlemsfordelar i kvardagen, gjennom lokale og nasjonale samarbeid.
Desse fordelane kan variere over tid, men tanken er den same:
Å gi medlemmene meir igjen – også før dei eig bustad.
Eit medlemskap i ditt tempo
Du treng ikkje ha ein konkret plan.
Du treng ikkje vite kvar du vil bu.
Du treng ikkje vere klar for kjøp.
Medlemskap i ÅBBL er først og fremst eit val om å gi seg sjølv litt betre tid, litt fleire moglegheiter – og ein tryggare inngang til bustadmarknaden når den dagen kjem.
For mange er det nettopp difor medlemskap gir meining:
Du kan lese deg opp, tenkje, vente – og vere klar når det passar for deg.
