Beboer

Fellesgjeld

Når ein skal kjøpe bustad i eit burettslag, betaler ein eit innskot som dekker ein del av finansieringa. Dette innskotet kan kome frå eigne oppsparte midlar, frå bustadlån eller ei blanding av begge. I tillegg får andelseigaren ansvar for si del av burettslaget sitt felleslån. Dette felleslånet blir betalt ned gjennom dei månadlege felleskostnadene, som inkluderer renter og avdrag. Totalkostnaden for bustaden er summen av innskotet og andelen av felleslånet.

Kva betyr fellesgjeld?

For å kunne kjøpe tomt og byggje bustader tek burettslaget opp eit felleslån, i tillegg til innskota frå dei som skal kjøpe bustadene. Felleslånet og innskota utgjer samla kostnad ved burettslaget si investering i eigedomen. Det er dette felleslånet som blir omtala som fellesgjeld. Vanlegvis er det Husbanken eller private bankar som gir slike lån, og burettslaget må pantsetje eigedomen sin for å få finansieringa.

Renter og avdrag på felleslånet utgjer som regel ein stor del av felleskostnadene i nye burettslag. Endringar i rentenivået vil derfor påverke felleskostnadene – noko som kan bli merkbart dersom burettslaget har høg fellesgjeld. Når felleslånet gradvis blir nedbetalt, vil denne delen av kostnadene gå ned.

Dersom ein andelseigar tek opp lån for å betale innskotet, kjem renter og avdrag på dette lånet i tillegg til felleskostnadene. Det er derfor viktig å sjå på den totale kostnaden når ein vurderer kjøp av burettslagsbustad.

Ein burettslagsbustad er finansiert med både innskot og fellesgjeld. Når innskotet berre utgjer 20 prosent eller mindre av totalkostnaden, blir bustaden rekna som ein låginnskotsbustad.

Sikringsordninga for burettslag

I 1994 oppretta NBBL Burettslaga si Sikringsordning. Ordninga sørgjer for at ein andelseigar ikkje får auka utgifter dersom nokon i burettslaget ikkje betaler sin del av felleskostnadene. Alle burettslag som er tilknytte eller blir forvalta av eit bustadbyggjelag som er medlem av NBBL, kan delta i ordninga.