Arv eller overføring?
Eit medlemskap kan berre overførast éin gong. Ved dødsfall blir dette ikkje rekna som ei overføring, men som arv av medlemskap. Overføringsskjema må likevel fyllast ut.
Når eit medlem går bort, blir medlemskapet sett på vent utan tilgang til medlemsrettar, inkludert bruk av ansiennitet. Dette varer til arvingane har blitt einige om om medlemskapet skal overførast eller seiast opp – og overføringa er registrert i medlemsregisteret.
Dersom inga overføring er gjennomført innan tre år etter dødsfallet, kan ÅBBL slette medlemskapet. Hugs at det er arvingane som har ansvar for å melde frå til ÅBBL om dødsfallet.
Kven kan medlemskapet overførast til?
Eit medlemskap i ÅBBL kan overførast til næraste familie, til dømes eigne eller ektefelles slektningar i rett opp- eller nedstigande linje, sysken osv. Dersom familiemedlemmet som ønskjer å overføre medlemskapet bur i eit burettslag, kan medlemskapet ikkje overførast. Ein må vere medlem for å kunne bu i eit burettslag, og så lenge ein bur der, er medlemskapet låst.
For meir informasjon om kva reglar som gjeld ved overføring av medlemskap, kan du ta kontakt med ÅBBL.